600

Барам повод за да напишам нешто позитивно

Господе, сакам да верувам дека халуцинирам

Но како да го протолкувам присуството нивно

Со што логичниов ум да го залажам и смирам

Него таквите работи му се премногу јасни
Нему не му треба многу за да може да сфати

Тој оддалеку ги препознава сигналите опасни

И одамна не ги купува приказните бајати

Господе колку многу ги сакам миротворците

Просто им се восхитувам онака демократски

Многу ги ценам за човекови права борците

Мир и љубов за вас, о диви племиња братски

`91-ва, 01`-ва, `12-та година на змејот и водолијата

Сакам да верувам, ама нешто однатре ме кочи

Знам дека в глава треба да ја дотолчам змијата

А оној во мене што знае, сал мирува и сведочи

Господе, води не` во она што наскоро не` чека

Господе, води не` по Патот на љубовта и вистината

Господе, помогни ни да ја надминеме и оваа препрека

Господе, не дозволи минатото да ни се повтори во иднината

АМИН