Фацијална деформација

Возејки се со еден камион промајата ме фати
Десната страна од сурато ми се деформира
Сега пијам разни количини хемиски препарати
Против некој стафилокок или некоја спирогира

Абе навистина чоек во животов на рајат не е
Постојано нешто го боли или нешто му фали
И најчесто кука, се жали, а ретко се смее
Господе прости ни нам тешките его будали

Јас нити кукам, нити се жалам, туку си трпам
И си нуркам, си работам карма и понекогаш се молам
Живото си го туркам, си нуркам, си го крпам
И се молам на Бога тогаш кога ќе се споболам

Господе Исусе Христе
Прости ми мене грешниот
Избави ме од лукавиот
И не воведи ме во искушение
Амин