Облаче

Не се плаши облаче, нема да те скршам

Ќе те составам како коцки Лего

А потоа ко ветер јужен ќе те распршам

За да ме сфатиш и мене и Него

Не се плаши облаче мало и лекокрило

Јас не сум ни ураган, нити пак торнадо

Ќе те ослободам од она што некогаш било

Јас сум пастир, те молам, биди мое стадо

Не се плаши облаче, тоа е обичен его трик

Ја знам играта меѓу мракот и светлината

Ти кажав, сеуште не ти е јасен неговиот лик

Завиткан во маглите на кармата мината

Не плаши се облаче, препушти му се на ветерот

И дозволи му на срцето твое на Патот да те води

Судбините одамна сме ги врежале во етерот

А љубовта наша и милоста Божја ќе не’ ослободи