УДБА (... во друштвото на мртвите поети ...)

УДБА
(... во друштвото на мртвите поети ...)

За прв пат ја осетив организираната моќ на државната машина
За прв пат почувствував што значи страшно организирано зло
За прв пат сфатив како со лага наоколу се дига огромна прашина
За прв пат им успеа да ми го размрдаат од под нозе цврстото тло

Но, за среќа Господ во мене е длабоко устоличен и премногу силен
Милоста Негова ме натера преку кармата да го контролирам ѕверот
И да не го потценувам овој политичко полициски систем дебилен
И да престанам неограничено да го пуштам својот отров во етерот

Саи Баба вели: “Не му се возгордевај на оние што се од тебе помоќни
И немој да ги потценуваш оние што се беспомошни и од тебе послаби
Моли му се на Бога во раните часови утрински и касните часови ноќни
И биди свесен кога, каде и кому треба да покажеш љубезност или заби

Од неодамнешното искуство сфатив дека ѕверот не смее слободно да шета
Бидејки е многу суров, сиров, деструктивен и опасен за другите и за себеси
И доколку не е под моја свесна контрола може да направи огромна штета
Да ги разбуди и разјари демоните и да ми ги разбранува внатрешните небеси

Фала ти Господе што ме освести враќајки ми ја назад ѕверската агресија
Ми беше потребен ваков силен удар од страна на грубата реалност материјална
Уште еднаш ми покажа дека треба да сум севесен за мојот грешник и месија
И дека двете подличности треба да ги имам под свесна контрола стална

Април 18-ти, 2019-то лето Господово