Ловци на пеперутки

Се обидуваат во смртна мрежа
Да го уловат животот во лет
И да воспостават некаква рамнотежа
Меѓу нив и оние од неврзаниот свет

Се обидуваат да ја уловат убавината
Да ја препарираат и класифицираат
Се обидуваат да ја смират дивината
Да ја расчеречат, пардон, да ја секцираат

Се обидуваат со сите можни замки
Да го уловат недофатливото
Се обидуваат да го стават во рамки
Невидливото и насфатливото

А јас его глупакот сакам
Тоа да го опишам со збор
Ко лудак низ оваа лудница акам
Господе, има ли ко мене втор?

17.9.1997